
كيفية حجز موعد لتثبيت النفوس او تحديث البيانات بدون السماسرة!
بالنسبة لحجز الدور لتثبيت النفوس او تحديث البيانات بسيط جدًا ولا يوجد داعي للسماح للسماسرة باستغلالك.
رابط الحجز:
خطوات حجز الموعد:
- قم بفتح الرابط الموجود اعلاه واضغط ع المربع بالاعلى ع اليمين خيار (خذ موعد) .
- قم بادخال رقم TC الخاص فيك و اسم الوالد (لازم تكتبه متل ما هو بالكملك بالضبط نقط فراغات و باللغة التركية حصرا ، و رقم الهاتف (أول خانة بتختار أول 3 أرقام من بعد الصفر مثلا .552 او 501 و … و الخانة التاني بتكمل الرقم عادي)
- بتحط إشارة على إنك لست روبوت و بتعمل ارسال رمز التحقق اللي رح يجيك برسالة نصية عادية .
- بعد ما تسجل بياناتك هي بتفتح صفحة جديدة تحت اللي كنت عم تسجل فيها و هي الصفحة خاصة باللي رح تسجل نفوسك عنده .
- بتختار سبب الموعد (تحديث بيانات او تثبيت نفوس مثلا) و بتختار ولاية إقامتك .
- إذا كان البيت باسمك و الدور الك كمان بتسجل نفس بياناتك .
- إذا كنت بدك تسجل عند شخص تاني بتكتب التي جي الخاص فيه و اسم والده بالضبط متل الكملك .
- بتكتب كود التحقق الموجود بالمربع جنب الفراغ و بتضغط تأكيد ، مبروك عليك حجز الموعد .
- ببعتولك رسالة نصية عادية إنه طلبك قيد المعالجة ، و هي الرسالة الأولى و هيك لازم تستنى الرسالة التانية اللي بخبروك فيها إيمتى لازم تجي و غالباً هي تختلف حسب كل ولاية و الزحمة فيها .