استشارات جامعية

كيفية أختيار التخصص الجامعي ؟!

كتير طلاب بتسأل شو الاحسن ادارة اعمال ولا اقتصاد ؟
يا ترى أدرس هندسة مدنية ولا ميكانيكية ؟
عجب الكلية أحسن ولا المعهد أفضل ؟!
وكتير أسئلة من هاد المحور .. ويومياً بتم السؤال عنها …
وللاسف الطلاب بتحصل على اجابات بضيع الواحد وبتكركبه .. وما بيوصل لجواب علمي صافي 100% أو قرار صائب ..
لانه بنزل تصويت بكروب ما ..

انصحوني شو أدخل وبيكتب هيك
هندسة مدنية
هندسة عمارة
تمريض
وتبلش الناس تصوت حسب مزاجها وحسب رأيها الخاص الي مارح يقدم ولا يأخر

أنت اليوم طالب أنتهيت من مرحلة الثانوية البكالوريا ورح تدخل على حياة جامعية جديدة عالم تاني .. كتير أهالينا حكيوا عنه ..
أو انت منقطع عن الدراسة وبدك تكمل طريق علمك .. وخبرتك قليلة جداً .
انا يومياً بتسالني طلاب
شورايك يا أستاذ بفرع كذا .. تنصحني بتخصص كذا …
يا جماعة .. مو هيك .. ولا حدا فيه ينصحكم بهيك شيء ..
انا اذا بدي انصح فا بكون وجهة نظر رأي ..

الطريقة الصحيحة لهيك موضوع هو على الشكل الاتي :
– تسال طالب بدرس نفس التخصص وبنصحك حسب نظرته واطلاعه على المواد.
– تسأل طالب متخرج جديد أو قديم من نفس التخصص أو تخصص قريب عليه .
– تسأل طالب دراسات عليا او دكتور جامعي عن التخصص وتسمع نصيحته .
– تبحث عن التخصص بالنت في كتير مقالات بكون مكتوبة عنه مثلا موقع ويكيبيديا.
– البحث عن التخصص باليوتيوب والاستماع لرأي دكاترة او طلاب أتراك بالتخصص .

يعني نتبع متل هيك خطوات .. جداً بسيطة … وأكيد واحد منهم رح يتحقق ونوصل ولو جزء بسيط من المعلومة .

مثال كتير بسيط وواقعي ..
أنا عم ببحث عن موضوع الفرق بين تخصص الاقتصاد و ادارة الاعمال .. من خلال اليوتيوب وجدت نتائج بحث كتيرة وكلها لدكاترة بالتخصصيين وبروفيسورات عم تحكي عن التخصص ولكن البحث والمعلومات بالتركي أكيد..
حابب تعرف عن تخصص ما مواده و فرص عمله نفس الطريقة الي ذكرتها فوق ..
واخر نقطة أنت أجنبي مقيم بدولة أجنبية لا تسأل وين بدي اشتغل بعد التخرج والدولة رح توظفني ولالا ..
الامر واضح الدولة مالها مجبورة فيك ولا فيك تتوظف عند الدولة ..
ومحدا ينط ويقول المعلميين والاطباء و…. هدول وضع خاص
وكلهم خريجيين من سوريا .
فرص العمل للاجنبي ضمن دولة اجنبية مثل تركيا وبالقطاع العام غير ممكن حسب علمي .
معقول يوظفوا أجنبي (سوري) والتركي المتخرج قاعد !
لما بتحصل على الجنسية التركية هداك الوقت متلك متل أي مواطن تركي من جهة العمل بالقطاعين العام والخاص .

وقبل ما أنسى أعتمدوا على أختيار التخصص برغبتكم وحسب الظروف الملائمة لكم .. وكونوا أنتو أصحاب القرار ,
الاعتمادد على أنفسك عامل أساسي وأخيراً أبحثوا وأشتغلوا شوي مو كل المعلومات رح تكون جاهزة على طبق من ذهب .
وبالتوفيق للجميع .
زميلكم علي النبهان 

اترك رد

زر الذهاب إلى الأعلى
error:
%d مدونون معجبون بهذه: