ملاحظات حول التسجيل في الجامعات التركية 2019 – 2020 – 2021

مثال بسيط أنا حالياً عندي طلاب معدلاتهم 42% و 45% و 50% و 60%

شريحة كبيرة من الطلاب عم يكون معدلاتهم مابين ال45% لل 60% .

أصدقائي للامانة بهيك معدل مارح يوصل قبول فوراً بده شغل كتير

وتسجيل بأكبر عدد كبير بالجامعات والنصيحة التسجيل أيضا فقط ب التخصصات المسائية المأجورة .

• في طلاب نصيبهم جيد وتوفيق من رب العالمين ممكن يسجل ب 6 جامعات ويحصل على القبول وبكون معدل الثانوية مافوق ال60% وبرتاح فوراً ، ويننتظر مفاضلة التعليم المفتوح .
• كل طالب معدله مافوق ال75% باذن الله بيحصل على قبول جامعي مافي داعي للقلق والخوف ، فقط شوية صبر ومتابعة بأمور التسجيل والمتابعة .
• أخي الطالب/ة لديك وقت من هي الثانية حتى بداية الشهر التاسع حتى تحصل قبول جامعي وتثبت وتحصل على وثيقة الطالب وتكون حديثة التاريخ تجنباً للمشاكل.

نصيحة وبشدة : أصحاب المعدلات الي دون ال70% عليكم التسجيل بالتعليم المسائي

وهو بكون التخصص آخره موجود هاد الرمز “İÖ” وبالانكليزي بكون مكتوب هيك “EP”

الفرق بين التعليم العادي والتعليم المسائي

النعليم الصباحي بكون للطلاب السوريين مجاناً 100% .

اما التعليم المسائي بكون مأجور وحتى الاجور مو كتيرة

تتراوح مابين ال500 ليرة لل 3000 تركي تقريباً بالجامعات المتوسطة .

وطبعاً الاجور تدفع اثناء التثبيت .

التعليم المسائي فيني شبه بالتعليم الموازي الي بسوريا بكون هيك وصلت الفكرة .

وبتكون نسبة القبول فيه جيدة لاصحاب المعدلات المنخفضة .

• عزيزي الطالب من حصلت على قبول ثبت فيه فوراً وخبرنا بتجربتك وقت التثبيت حتى نفيد بقية الطلاب ، وكمان يجب عليك ايقاف عملية التسجيل ببقية الجامعات التركية حتى يصير فرصة لبقية الطلاب بالقبول .
• أذكر أذا بدك تدرس بالتعليم المفتوح تخصص ورح يكون دراسته 4 سنوات يجب عليك تسجل بالتعليم العادي تخصص دراسته 4 سنوات وأن اردت دراسة معهد سنتين فا سجل معهد سنتين .
• أذكر موضوع الترجمة + النوترة ضروري جداً للشهادة ، والموضوع الاهم من ذلك هو معادلة الشهادة “دنكليك” يجب عليك فوراً تشتغل بموضوع تعديل الشهادة

شرح حول كيفية تعديل الشهادة الثانوية : 

• أخي لا تقطع أملك سجل وتوكل على الله وممكن تزبط وتتسير معك حتى لو معدلك قليل .
• الطلاب المفتوح او عن بعد بخولك للحصول على الجنسية التركية في المستقبل ، بعد دخولك للجامعة فقط حدث بياناتك في الهجرة التركية .
• بدك تريح راسك وقلبك وفوراً بدك قبول جامعي ؟ سجل تخصص بالتعليم المسائي غالباً بتم القبول اذا كان معدلك مافوق ال70% ، هي اذا كنت مستعجل وماعندك صبر .
• موضوع التسجيل في الجامعات بده رواق وصبر وتحمل وممكن توصل لدرجة الرفض ب 5 جامعات وممكن 10 وممكن 20 جامعة، لهيك بدك تكون صبور كتير أخي الطالب والتوفيق من رب العالمين .
• اذا كان معك امتحان اليوس YÖS وكان معدلك جيد مافوق ال40% كمان هاد الشيء بساعدك بالحصول على القبول بفرصة نوعاً ما جيدة .

تنويه هام :

يا جماعة أنا والله بحب وأحب لقلبي أساعد الجميع

وأرد على اسئلة الجميع وبكل قوة وارادة ولكن أنا كمان بالنهاية طالب جامعة ! وعندي التزامات وحياتي الخاصة ،

والبعض بنزعج وبحكي كلام مشكل ملون والبعض بشتم وبحظر و….

ياريت فقط كل واحد فينا يقدر شوي ، أنا بالنهاية لابعرفك ولابتعرفني

ولا في سبب حتى اتجاهل رسالتك أو مارد عليك ، وأنا حاليا بعتذر من كل طالب حتى خليته ينتظرني

ولكن هاد الشيء مو بايدي غصب عني … ،

والبعض ماعم يفهم هي النقطة ..

أنا حالياً عندي لا يقل عن 50 طالب .. (بين طلاب مفتوح وتعليم عادي)

اذا ما خف العدد انا مافيني أساعد بالتسجيل ، لهيك فقط شوية صبر

ووقت وباذن الله رح اعلن عن استلام دفعة جديدة من الطلاب .

والنقطة الاهم انا في عندي شيء 90 فيديو بشرح كيفية التسجيل

في الجامعات التركية فيكم تستفيدوا منهم وهي متاحة للجميع ومجاناً .

• شرح حول التعليم المفتوح وكيفية التسجيل وكل المعلومات المفصلة حول الموضوع : 

• للحصول على فيديوهات كيفية التسجيل في الجامعات التركية الدخول على رابط قناتي اليوتيوب : https://www.youtube.com/c/AliNEBHEN

مقالات تستحق القراءة …

كيفية اختيار التخصص الجامعي؟

https://alinebhen.org/choose-university-major/

الجنسية التركية للطلاب السوريين والجامعات التركية.

https://alinebhen.org/vatandis-olmazsa-olmaz/

لمتابعة أخبار الجامعات والمفاضلات أول بـ أول :

صفحتنا الخاصة بالتعليم المفتوح :